Жамбыл облысы әкімдігінің білім басқармасы Шу ауданы білім бөлімінің «Мұқағали Мақатаев атындағы тірек орта мектебі (РО)» КММ кітапханасында 7 мамыр - Отан қорғаушылар күніне орай «Ел мен жердің қорғанышы» атты танымдық сағаты өткізілді.

Аталмыш шарада кітапханашы Айнаш Жанатауова Құспанқызы Қазақстан Республикасының Қарулы күштерінің құрылуы тарихы, оның Отанымыздың бейбітшілігін сақтаудағы маңызы, әскери өнердің өзіндік ерекшелігі мен егемендігімізді күзетуде олардың маңызы жайлы терең мағлұмат беріп өтті. Сондай-ақ кітап сөресі ұйымдастырылып, «Айбын» энциклопедия кітабы, Абай Тасболатовтың «Жоғарғы бас қолбасшы - әскери қауіпсіздік», Бақытбек Смағұлдың «Қолбасшы күнделігі», Көңілқос Қарабалаевтың «Бауыржанның әскери тактикасы», Сауытбек Абдрахмановтың «Елдік ерлігі» атты кітаптары таныстырылып, кеңінен насихатталды.

Мақсаты: Әскери қызмет туралы жастардың арасында оңтайлы көзқарас қалыптастыру, жастарды Отанға қызмет етуге әркез дайын болуға шақыру және отансүйгіштікті қалыптастыру.